السلام عليكم ورحمة الله وبركاته
عندي طبق حلو ينفع لجميع المناسبات سهل وسريع وما بياخد وقت وطعم ولا الزمن هيك
يالله نبلش
المقادير:
بسكوت سادة
علبة اناناس من الحجم الكبير
2 كيس كريما (الكريما اللي بندهن فيها الكيك يعني دريم ويب او اي بديل )
2 كريم كراميل
علبة قشطة
2 علبة زبادي بس من اللي بيكون مش حامض يعني متل القشطة
فستق حلبي للتزيين
الطريقة:
في طبق بايركس
نصف البسكوت وحدة جنب التانية بدون فراغات ونسقي البسكوت بقليل من الماء الموجود في علبة الاناناس
نقطع الاناناس ازا كان حلقات الى قطع متوسطة الحجم ونفرده فوق البسكوت
نضع الكريما والكريم كراميل(بودرة)والقشطة والزبادي مع كاس كبير من ماء الاناناس اللي في العلبة وبنحرك بشويش لحتى يتجانس الخليط بعديها بنحرك بسرعة عشان نتاكد انو الاطعم دخلت ببعض وتجانست بيتكون عندنا خليط لونه مائل للاصفرار وطعمة يمممممممممممم كتيير زاكي
بنفرد الخليط شوي شوي فوق الاناناس
بنفتفت البسكوت يعني كمية منيحة شي 20 او 25 بسكوتة يعني ما بيكونو طحين ولا خشنين (خلي ابنك اوبتك الصغار يتولو هالمهمة)
وبنرش فوق الخلطة في البايركس
وبنزين بالفستق الحلبي المجروش
وصحة وهنا
والله ما حدا اكلها عندي الا انجن واخد الطريقة
قلت ليش ابخل على اخواتي
يالله اتفننوا (هيك اخوي الكبير تاج راسي بيحكيلي)
والله ما بدها وقت بربع ساعة بتكوني عملتيها وبدون عجقة وبدون جلي كتير
السبت سبتمبر 06, 2008 2:20 pm
يا عطر المحبه شكل الحلى لذيذ ولا يقاوم نجرب وش ورانا 
